Св. праведным Иоакиму и Анне – о даровании ребенка
Св. праведным Иоакиму и Анне – о даровании ребенка
«О святии праведницы, Богоотцы Иоакиме и Анно! Молите Милосерднаго Господа, яко да отвратит от нас гнев Свой, по делом нашим праведно на ны движимый, и да безчисленная прегрешения наша презрев, обратит нас, раб Божиих (имена), на путь покаяния и на стези заповедей Своих да утвердит нас. Таже молитвами вашими в мире жизнь нашу сохраните и во всех благих благое поспешение испросите, вся к животу и благочестию потребная нам от Бога дарующе, от всяких напастей и бед, и внезапныя смерти предстательством вашим нас избавляюще и от всех враг видимых и невидимых защищающе, и тако в мире временное сие житие прошедше, в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже со Отцем и Пресвятым Духом подобает всякая слава, честь и поклонение во веки веков. Аминь».
Данный текст является ознакомительным фрагментом.