Молитва матери

Молитва матери

Отче Святый, Предвечный Боже! Тебе молюсь о чаде моем (имя), егоже дарова ми благость Твоя. Ты дал еси ему бытие, оживотворил его душею бессмертною, оградил святым крещением, во еже жити ему сообразно с волей Твоею и наследовати Царствие Небесное.

Сохрани его во благодати Твоей до конца жизни его. Содействуй ми Твоею благодатию, дабы аз воспитала его во славу имени Твоего и в пользу ближним, подаждь ми к сему потребные средства, терпение и силы.

Господи, просвещай его светом премудрости Твоея, да любит Тя всею душею своею и всем помышлением своим. Насади в сердце его страх и отвращение от всякого бесзакония, да будет непорочен в путех своих. Господи, украси душу его целомудрием, долготерпением и всякою честностью, да всякая клевета, ложь и лесть будет мерзостна ему. Окропи его росою благодати Твоея, да преуспевает в добродетели и святости и да возрастает в любви Твоея и любви благочестивых людей. Ангел Хранитель да пребывает с ним всегда и соблюдает юность его от помышлений суетных, от прелестей и соблазнов мира сего и от всяких наветов лукавого. Аще же когда и согрешит пред Тобою, не отврати лица Своего от него, но будь милостив ему, возбуди сокрушение в сердце его и по множеству щедрот Твоих очисти согрешения его. Не лиши его и земных Твоих благ, но посли ему вся нужная во времени во приобретение блаженныя вечности. Сохрани его от всякия напасти, беды и болезни и сохраняй во все дни жизни его. Да вместе с ним прославляя неизреченную милость Твою, превозношу пресвятое имя Твое, Отца и Сына и Святаго Духа, ныне и присно и во веки веков. Аминь.

Данный текст является ознакомительным фрагментом.